Asemblea aberta conxunta: Lemos, Chantada e Quiroga

Moito que poñer en común entre as comarcas de Lemos e Chantada, problemas comúns que afectan a todo este territorio e proxectos para pular pola súa solución.
A reforma das pensións, a declaración de patrimonio da Humanidade para a Ribeira Sacra, a reivindicación da ANPA do Infanta Elena, a fronte ampla para as europeas...

Este mércores, asemblea das asembleas de Lemos, Sober e Chantada en Monforte, ás 20 h en Carude.

Anímate e participa! Contacta connosco.

asembleadelemos@gmail.com

Anova apoia as mobilizacións pola sanidade pública do 9 e 10 de decembro e fai un chamamento á cidadanía para manifestarse en apoio a estas

As asembleas de Anova do sur de Lugo (Lemos – Chantada – Sober) apoian a mobilización das traballadoras e traballadores sanitarios contra os recortes, os copagos e a privatización da sanidade pública galega e fan un chamamento á cidadanía da área comarcal de Monforte a manifestarse o martes, día 10 de decembro, ás 20 horas na praza de España de Monforte.

Ademais, Alfonso Piñeiro Díaz, voceiro do Grupo Municipal Nacionalista de Chantada, presenta hoxe no pleno unha moción de urxencia solicitando o apoio da corporación municipal a estas mobilizacións.

Apoiamos a literalidade do manifesto de SOS Sanidade Pública a prol da mobilización do 9 e 10 de decembro pola sanidade pública galega:

“A Xunta de Galicia está desmantelando e privatizando os servizos sanitarios públicos, repartindo as parcelas máis atractivas económicamente entre grupos empresariais afíns, aseguradoras, multinacionais, fondos de investimento, bancos e construtoras

Chegou o momento de articular unha grande alianza entre poboación e traballadores/as da sanidade en defensa dunha sanidade pública de calidade e por recuperar o dereito a unha sanidade pública universal accesible e de calidade.

Se os/as afectados/as, que somos a maioría social e profesional, non reaccionamos de xeito urxente, deica pouco o desmantelamento e privatización da sanidade pública será irreversible, xa que a Xunta transformaría os centros sanitarios en empresas privadas, recortando o persoal, e obrigándonos a pagar pola asistencia sanitaria.”